कासिन न्यूज,
बुटवल ।
लुम्बिनी प्रदेश सरकारका प्रवक्ता तथा खानेपानी मन्त्री चेतनारायण आचार्यको घरमा चोरी भएको छ । अर्घाखाँचीको सन्धिखर्क नगरपालिका हटारीनेटा निजी निवासमा गएराति चोरी भएको प्रहरीले जनाएको छ ।
डेढ महिनाभित्र मन्त्री आचार्यको घरमा दुई पटक चोरी भएको छ ।
प्रदेशको खानेपानी, ग्रामीण तथा सहरी विकासमन्त्री आचार्य परिवारसहित काठमाडौं गएको मौका छोपी चोरी भएको प्रहरी नायब उपरीक्षक मुकुन्द रिजालले जानकारी दिए ।
घरका सबै कोठाको ताल्चा फुटाएर चोरी भएको छ । तर, घरका परिवार नभएकाले के कति चोरी भयो भन्ने नखुलेको प्रहरीले जनाएको छ ।
डेढ महिनाअघि पनि आचार्यको घरमा चोरी भएको थियो । त्यसबेला त्यति धेरै क्षति नभए पनि यसपालि सबै ताल्चा फोडेको र सामान लगेको मन्त्रीका निजी सचिव प्रदीप नेपालीले बताए ।