कासिन न्यूज
काठमाडौं ।
प्रधानमन्त्री कार्यालयको पहलमा गठित इमिडिएट रेस्पोन्स टिम (आईआरटीएफ)मा नेपाल वैदेशिक रोजगार व्यवसायी संघका द्वितीय उपाध्यक्ष सञ्जु गुरूङलाई जाने भएका छन् ।
संघको शुक्रबार बसेको कार्यसमितिले सो निर्णय गरेको हो । वैदेशिक रोजगार विभागका महानिर्देशकको संयोजकत्वमा गठित टिममा श्रम, रोजगार तथा समाजिक सुरक्षा मन्त्रालयका उपसचिव र वैदेशिक रोजगार बोर्डका कार्यकारी निर्देशक सदस्य रहेका छन् ।
उक्त टिमले वैदेशिक रोजगारका क्रममा स्वदेश वा विदेशमा अलपत्र पर्ने कामदारको उद्धार तथा आपतकालीन राहतको काम गर्ने छ ।