कासिन न्यूज,
काठमाडौं ।
सुरुवाती अग्रता जोगाउन नसक्दा एसी मिलान इटालियन सिरी ‘ए’ मा बराबरीमा रोकिएको छ । मिलानले घरेलु मैदानमा सालेरनिटानासँग १–१ गोलको बराबरी खेलेको हो ।
मिलानोमा सोमबार राति भएको खेलमा घरेलु टोली मिलानका ओलिभर जिरुडले गोल गर्दा सालेरनिटानाका बोउलाए डियाले गोल फर्काए ।
प्रतिस्पर्धात्मक र रोमाञ्चक खेलमा मिलानले पहिलो हाफको तप गरिएको पहिलो मिनेटमा ओलिभर जिरुडको गोलबाट अग्रता लिएको थियो । उनले स्माइल बेनाकरको पासमा गोल गर्न सफल भएका थिए ।
तर, त्यो अग्रतालाई मिलानले दोस्रो हाफमा बचाउन सकेन । ६१औं मिनेटमा बोउला डियाले गोल गर्दै खेललाई १–१ गोलको बराबरीमा ल्याए । उनले डोमागोज ब्राडारिकको पासमा गोल गर्न सफल भएका थिए । त्यसपछि थप गोल निस्कन नसक्दा खेल बराबरीमा टुंगियो ।

यस बराबरीसँगै मिलानले तेस्रो स्थानमा उक्लने मौका गुमाउँदा ४८ अंक जोडेर चौथो स्थानमा छ । तेस्रो स्थानको लाजियोको ४९ अंक छ । सालेरनिटाना २६अंक जोडेर १६औं स्थानमा छ ।