कासिन न्यूज,
सोलुखुम्बु ।
मानव जीवन सँग गाँसीएको सबैभन्दा माथिल्लो कुरा के हो भन्दा सबैको मुखमा झुण्डिएको हुन्छ त्यो हो समाजसेवा यो सधैं दल र जाति माथि रहेको हुन्छ भन्छन् , नेपाल उद्योग बाणिज्य महासंघका केन्द्रीय सदस्य, नेपाली कांग्रेसका नेता एवं समाजसेवी प्रकाश सिंह कार्की ।
सोलुखुम्बुको नेचासल्यान ३ मा रहेको क्रियटिम सोसियल युथ क्लवको भवन उद्घाटन समारोहलाई सम्बोधन गर्दै समाजसेवी एवं कांग्रेस नेता कार्कीले भने समाज रुपान्तरण भएमात्र सिंगो मुलुक रुपान्तरित हुन्छ । त्यसैले समाज सेवामा कुनै जात, धर्म, भाषा, लिङ्ग, राजनितिक आस्था हेर्न नहुनेमा कार्कीले जोड दिएका थिए ।
कार्यक्रममा बोल्ने क्रममा क्रियटिमले सिफारिस गरेको एक छात्रा र १ छात्र गरि २ जनालाई आउँदो वर्षदेखी उच्च शिक्षा सम्मको अध्ययनको लागि लागि छात्रबृद्धि प्रदान गर्ने पनि कार्कीले बताए ।

नेचासल्यान गाउँपालिका उपाध्यक्ष विना राईले सामाजिक संघ संस्थाहरुले समाज रुपान्तरणका लागि अघि सारेको योजनामा स्थानीय सरकारको साथ रहेको बताउँदै , उपाध्यक्ष राईले भनिन, मुलुक परिवर्तनको आधारशिला भनेकै समाज भएकाले समाजको रुपान्तरणको लक्ष्यलाई सफल बनाउन हरेक नागरिकदेखि सामाजिक संघ संस्था तथा स्थानीय तहको भुमिका उत्तिकै महत्पुर्ण हुनेछ ।
स्वर्गीय पुष्पलाल बास्तोलाको स्मृतिमा उनका छोराहरू कांग्रेसका युवा नेता दिनराज बास्तोला र कुमार बास्तोलाले सहयोग स्वरुप उपलब्ध गराएको जग्गामा क्लबको भवन निर्माण गरिएको हो ।
कार्यक्रमको सभापतित्व क्लबका अध्यक्ष शम्भु घिमिरेले गरेका प्रमुख अतिथिको रुपमा कार्की रहेका थिए । कार्यक्रममा नेचासल्यान ३ का वडाध्यक्ष सीताराम भट्टराई, गाउँ कार्यपालिका सदस्य जयन्ता अधिकारी, कांग्रेस नेचासल्यान गाउँ कार्य समितिका पूर्ब सभापति निरकुमार शर्मा, उपसभापति घनश्याम बास्तोला, युवा नेता दिनराज बास्तोला, सहिद नरनाथ आवि, नेपाली कांग्रेस ३ नम्बर वडा सभापति होमप्रसाद बास्तोला, माओवादी केन्द्रका युबराज कट्टेल लगायतको उपस्थिति रहेको थियो ।