कासिन न्यूज,
काठमाडौं ।
जनता समाजवादी पार्टी (जसपा)का उम्मेदवार रामसहाय प्रसाद यादव उपराष्ट्रपतिमा बिजयी भएका छन् । यादव ३० हजार ३ सय २८ मतभारका साथ उपराष्ट्रपतिमा निर्वाचित भएका हुन् ।
कांग्रेस, माओवादी केन्द्र, एकीकृत समाजवादी लगायतका दलको समर्थन पाएका उनलाई ३ सय २९ प्रदेशसभा सदस्य र १सय ८४ संघीय सांसदले मत दिएका थिए ।
एमाले उम्मेदवार अष्टलक्ष्मी शाक्यलाई १ सय ६९ प्रदेशसभा सदस्य र १ सय ४ संघीय सांसदले मत दिएका छन् ।
जनमत पार्टीकी उम्मेदवार ममता झालाई १५ प्रदेशसभा सदस्य र २३ संघीय सांसदले मत दिए । उम्मेदवारी फिर्ताको घोषणा गरेकी प्रमिला यादवले एक प्रदेशसभा सदस्यको मत पाइन् ।

उपराष्ट्रपति निर्वाचनमा संघका ३सय ३३ संघीय सांसद र ५ सय ५० प्रदेशसभा सदस्य मतदाता छन् । र, संघीय सांसदको मतभार ७९ र प्रदेशसभा सदस्यको मतभार ४८ छ ।
जस अनुसार रामसहाय प्रसाद यादवले कुल ३० हजार ३२८ र अष्टलक्ष्मी शाक्यले १६ हजार ३२८ मत भार पाइन् । ममता झाले द्द हजार ५३७ र प्रमिला यादवले ४८ मत भार पाएकी छिन् ।