कासिन न्यूज,
काठमाडौं ।
उपत्यका र आसपासका ठाउँका साथै देशका पहाड र तराई–मधेशका क्षेत्रमा मेघगर्जन, चट्याङ, हावाहुरीसहित हल्कादेखि मध्यम वर्षाको सम्भावना रहेको जल तथा मौसम विज्ञान विभागले जनाएको छ। उपत्यकामा शनिबार पनि हावाहुरीसहित वर्षाको सम्भावना देखीएको छ ।
जल तथा मौसम विज्ञान विभागका अनुसार शनिबारदिनभर नै देशभर मौसम आंशिक बदली हुने देखिएको छ। राति कोशी, मधेश र बागमती प्रदेशका एक दुई स्थानमा वर्षाको सम्भावना छ। विभागले चट्याङ र हावा हुरीबाट क्षति हुन नदिन आवश्यक तयारीका साथ सतर्कता अपनाउन अनुरोध छ।
कर्णाली र सुदूरपश्चिमका पहाडी क्षेत्रमा बिहानैदेखि पानी परिरहेको महाशाखाका मौसमविद्ले बताएका छन्। महाशाखाका अनुसार सोमबारसम्म नै देशका विभिन्न स्थानमा वर्षाको अनुमान गरिएको छ।
आइतबार हल्का देखि मध्यम र सोमबार मधेश र लुम्बिनी प्रदेशमा भारी वर्षाको प्रक्षेपण गरिएको छ।