कासिन न्यूज,
काठमाडौं ।
नवनिर्वाचित उपराष्ट्रपति रामसहाय यादवलाई सोमबार राष्ट्रपति रामचन्द्र पौडेलले शीतल निवासमा शपथग्रहण गराएका छन् ।गणतन्त्र नेपालको तेस्रो उपराष्ट्रपति निर्वाचित भएका यादव शुक्रबार भएको निर्वाचनमा निर्वाचित भएका थिए ।
निर्वाचित भएपछि यादवले सांसद र जसपाबाट राजीनामा दिएका छन्। यादवले ३० हजार ३२८ मतभार प्राप्त गरी उपराष्ट्रपतिमा निर्वाचित भए। संघीय संसदतर्फ १४ हजार ५३६ र प्रदेशसभातर्फ १५ हजार ७९२ गरी कूल ३० हजार ३२८ मतभार प्राप्त गरी निर्वाचित भएका हुन्।
यादवका निकटतम प्रतिद्वन्द्वी नेकपा एमालेकी अष्टलक्ष्मी शाक्यले १६ हजार ३२८ मत प्राप्त गरिन्। यस्तै जनमतकी ममता झाले २ हजार ५३७ र प्रमिला यादवले ४८ मत प्राप्त गरेकी थिइन्।