कासिन न्यूज,
काठमाडौं ।

बंगलादेशको ढाकामा सोमबार देखि शुरु हुने साफ यू–१७ महिला च्याम्पियनसिपको पहिलो खेलमा नेपाली टोलीले बलियो भारतसँग प्रतिस्पर्धा गर्दै च्याम्पियनसिपको सुरुवात गर्दैछ।
यो खेल नेपाली समयअनुसार दिउँसो ३ बजेपछि बिएसएसएस मोस्ताफा कमल स्टेडियममा हुनेछ । बलियो भारतलाई पराजित गर्दै नेपाल च्याम्पियनसिपमा सुखद सुरुवात गर्ने लक्ष्यका साथ मैदान उत्रनेछ । भारत पनि सुखद् नतिजाको लक्ष्यमा हुनेछ ।
दोस्रो खेलमा भुटानले आयोजक बंगलादेशसँग साँझ ७ बजेपछि खेल्दा दुवै टोली जितको लक्ष्यमा हुनेछ । यू–१७ च्याम्पियनसिपमा नेपाल, बंगलादेश, भुटान, भारत र रुसको सहभागिता रहेको छ ।
नेपालले मार्च २२ मा भुटान, २६ मार्चमा रसिया र २८ मार्चमा आयोजक बंगलादेशसँग खेल्नेछ । सिंगल राउण्ड रोबिनपछि शीर्षस्थानमा रहने टोली च्याम्पियन बन्नेछ ।

नेपाली टोली
गोलकिपरः सुजाता तामाङ, राधिका ओली र करुणा बुढाथोकी
डिफेन्डरः अञ्जना पुन मगर, प्रेरणा डोल्मा लामा, सीता रोकाया, अमिता भुल, सिमरन राई, विपना स्नेही र रेणु लिम्बु चाबेगु
मिडफिल्डरः माया मास्के, दीपा मगर, सुशीला केसी, झुमा विश्वकर्मा, सुक्रिया मिया, भावना परियार र पुनम चेम्जोङ
फरवार्डः दीपा रोकाया, वर्षा ओली र सेनु परियार