कासिन न्यूज,
काठमाडौं ।
देशका केही भाग र उपत्यकामा हल्का वर्षा भै रहेको छ । जल तथा मौसम पूर्वानुमान महाशाखाका अनुसार देश यहि अवस्थामा मौसम रहने छ ।
महाशाखाका अनुसार मंगलबार देशभर नै सामान्यदेखि पूर्ण बदली रहने छ। सुदूरपश्चिम र लुम्बिनी प्रदेश लगायत देशको पहाडी भू–भागका केही स्थानहरूमा तथा बाँकी भू–भागका थोरै स्थानहरुमा मेघ गर्जन, चट्याङ, हावा–हुरी र असिनासहित क्षणिक, हल्कादेखि मध्यम वर्षाको सम्भावना रहेको छ।
मंगलबार राति भने देशभर आँशिकदेखि सामान्य बदली रहने छ। देशको पहाडी भू–भागका थोरै स्थानहरूमा तथा तराई भू–भागका एक–दुई स्थानमा मेघ गर्जन, चट्याङ, हावा–हुरी र असिनासहित क्षणिक, हल्कादेखि मध्यम वर्षाको सम्भावना रहेको पनि महाशाखाले जनाएको छ ।