कासिन न्यूज,
धनगढी ।
सुदूरपश्चिम विश्वविद्यालयका १० वटा आंगिक क्याम्पसमा स्ववियूको नेतृत्वका लागि बुधबार निर्वाचन हुँदैछ । विश्विद्यालयको अन्तर्गतका १५ क्याम्पसमध्ये १० क्याम्पसमा बिहान ८ बजेदेखि स्ववियू निर्वाचनका लागि मतदान हुन लागेको हो ।

स्ववियू निर्वाचनका लागि गत १ चैतमा मनोनयन दर्ताको समय भएपनि आन्तरिक विवादका कारण केन्द्रीय क्याम्पसहितका ५ क्याम्पसमा मनोनयन दर्तासमेत हुन सकेको थिएन ।
केन्द्रीय क्याम्पसले आगामी २१ गते निर्वाचनको नयाँ मिति तय गरे पनि अन्य ४ क्याम्पसमा भने निर्वाचनको मिति अझै तय हुन सकेको छैन । बाँकी ४ क्याम्पसमा स्ववियू निर्वाचन गराउनका लागि विद्यार्थी संगठन र क्याम्पस प्रशासन अझै छलफलमा छन् ।