कासिन न्यूज,
काठमाडौं ।
बुधबारदेखि मौसममा केही सुधार आउने भएको छ। जल तथा मौसम विज्ञान विभागले जानकारी अनुसार मंगलबार भन्दा बुधबार मौसममा केही सुधार भएको छ ।

विभागका अनुसार बुधबार कोशी, बागमती र गण्डकी प्रदेशका साथै बाँकी प्रदेशका पहाडी भूभागका थोरै स्थानहरूमा तथा तराई भूभागका १/२ स्थानमा मेघगर्जन/चट्याङ्गसहित क्षणिक/हलुकादेखि मध्यम वर्षाको सम्भावना रहेको छ।
मंगलबार साँझमा भने स्थानीय वायुसँगै पश्चिमी वायुको प्रभावका कारण लुम्बिनी प्रदेशका केही स्थानहरूमा मेघगर्जन/चट्याङसहित हलुकादेखि मध्यम वर्षा भएको थियो । देशका अन्य पहाडी भूभागका केही स्थानमा पनि मेघगर्जन र चट्याङसहित हलुका वर्षा भइरहेको विभागले जनाएको छ।

मंगलबार राति पहाडी भूभागका थोरै स्थानहरूमा तथा तराई भूभागका १/२ स्थानमा मेघगर्जन/चट्याङ्ग/हावा/हुरी/असिनासहित क्षणिक तथा हलुकादेखि मध्यम वर्षाको सम्भावना रहेको विभागले जनाएको छ।