अमेरिका पठाइदिने नाममा एक जनासँग २० देखि ४० लाख रुपैयाँसम्म उठाइन्थ्यो

कासिन न्यूज,
काठमाडौं ।
आम र सोझा नेपालीलाई ठग्ने अरु कोही नेपाली नै हुन्छ भन्ने तथ्यहरु बेला बखत बाहिर आइरहेका हुन्छन् । विगत देखी यो प्रवृति चल्दै आएको छ । बिभिन्न शक्ति केन्द्रहरुको आडभरोषामा ठग्न पल्केकाहरुको कमि नेपालमा छैन् ।
त्यस्तै शक्ति केन्द्रको आडमा नेपालीलाई भुटानी शरणार्थी बनाएर अमेरिका पठाई दिन्छु भन्दै ठगी हिड्नेमा नेपाली कांग्रेसकी नेतृ तथा पूर्व उपप्रधानमन्त्री सुजाता कोइरालाका पूर्व पीए केशव दुलाल परेका छन् ।

काठमाडौं उपत्यका अपराध अनुसन्धान कार्यालयको टोलीले आइतबार मोरङ पथरी घर भएका दुलाललाई पक्राउ गरेको छ ।
दुलालसहित ललितपुरका सानु भण्डारी र पाँचथरका टंक गुरुङ पक्राउ परेका छन्।

हालसम्म ८१ जना पीडितले उजुरी दिएको काठमाडौं उपत्यका अनुसन्धान कार्यालयका प्रमुख मनोज केसीले जानकारी दिए। अमेरिका पठाइदिने नाममा एक जनासँग २० देखि ४० लाख रुपैयाँसम्म उठाइएको प्रहरीले जनाएको छ।