कासिन न्यूज,
काठमाडौं ।
पुलमा ठोक्किएर बस पल्टिएपछि बसमा आगो लागेको थियो । आगलागीमा परि २९ जना घाइते भएका छन्। २० जनाको मृत्यु भएको छ । जसमा सबैभन्दा बढी तीर्थयात्री रहेका थिए । उनीहरु उमराहका लागि मक्का जाँदै थिए।
साउदी अरबको स्थानीय सञ्चारमाध्यमका अनुसार बसमा सवार यात्रु विभिन्न देशका थिए। उनीहरु कुन देशका हुन् भन्ने खुलाइएको छैन्। उमराह हज जस्तै एक मुस्लिम धार्मिक तीर्थयात्रा हो।
साउदी अरेबियामा हजको समयमा बाहेक जुनसुकै समयमा तीर्थयात्रीहरू उमराका लागि जान सक्छन्। तर, रमजानको महिनामा बढी जाने गर्छन्। साउदी अरेबिया बाहिरका यात्रुहरूलाई उमराहको लागि विशेष भिसा चाहिन्छ।