कासिन न्यूज,
काठमाडौं ।
बुधबार बिहान बसेको बैठकले कुनै निकास निकाल्न नसकेपछि पुनः दोस्रो चरणमा नेताहरू छलफलमा जुटेका हुन्। मन्त्रिपरिषद् विस्तारबारे मन्त्रालय र जिम्मेवारी बाँडफाँट टुंग्याउन १० दलीय गठबन्धनको बैठक बस्दै छ ।
मंगलबारको बैठकमा सरकारको न्यूनतम साझा कार्यक्रमको मस्यौदा दलका नेताहरुलाई अध्ययनका लागि वितरण गरिएको थियो। नेताहरुको राय सुझावलाई समेटेर आजको बैठकले त्यसलाई अन्तिम रुप दिने तयारी छ।
दलहरुले बढी मन्त्रालयमा दाबी गर्दा प्रधानमन्त्रीलाई मन्त्रालय बाँडफाँडमा सकस भइरहेको छ। सत्ता घटक नेपाली कांग्रेसले अर्थसहित आठवटा मन्त्रालयमा दाबी गरिरहेको छ।

त्यस्तै, नेकपा एकीकृत समाजवादी र जसपाले ३/३ मन्त्रालय दाबी गर्दै आएका छन्। धेरै दललाई सरकारमा समेट्नु पर्ने बाध्यता र दलहरुको अडानका कारण प्रधानमन्त्री दाहाल दबाबमा छन्।