कासिन न्यूज,
काठमाडौं ।
सत्ता साझेदार दलहरुबीच मन्त्रालयको भागबण्डा टुंगिएपछि बागमती प्रदेशका मुख्यमन्त्री शालिकराम जम्कट्टेलले मन्त्रिपरिषद् विस्तार तिर लागेका छन् ।

आइतबार साँझसम्म मन्त्रिपरिषद् विस्ता गर्नेगरी तयारी भइरहेको बताइएको छ । बागमती प्रदेशमा ७ वटा मन्त्रालय रिक्त रहेका छन्। जसमा ७ मन्त्रालयमध्ये ५ जना नेपाली कांग्रेसबाट तथा नेकपा एकीकृत समाजवादी र हाम्रो नेपाली पार्टीबाट १ जना मन्त्री नियुक्त गर्ने तयारी छ।
११ मन्त्रालय रहेको प्रदेशमा मन्त्रालय नबढ्ने गरी मन्त्रालयको भागबण्डा मिलाउने सहमतिअनुसार कांग्रेसले ५ वटा मन्त्रालय पाउने भएको हो। यसअघि कांग्रेसले ६ मन्त्रालय पाउनुपर्ने दाबी गर्दै आएकोमा मन्त्रालयको संख्या नबढाउने समझदारीपछि ५ वटा मन्त्रालयमा सहमति जुटेको हो।
प्रदेश सरकारमा कांग्रेसको तर्फबाट संसदीय दलका नेता बहादुर लामाले नेतृत्व गर्ने बताइएको छ।