कासिन न्यूज,
काठमाडौं ।
वैशाख ९ गते आयोजना हुने एनसेल बाह्रखरी कर्पोरेट गल्फको च्याम्पियनले सुनको बल प्राप्त गर्ने भएको छ। बाह्रखरी मिडियाले आइतवार पत्रकार सम्मेलन आयोजना गर्दै प्रतियोगिता वैशाख ९ गते हुने प्रतियोगिताको विजेताले सुनको गल्फ बल प्राप्त गर्ने जनाएको हो।

गोकर्णस्थित गोकर्ण गल्फ क्लबको कोर्समा आयोजना हुने प्रतियोगितामा ११० खेलाडीले सहभागिता जनाउने आयोजकले पत्रकार सम्मेलनमा जानकारी दियो। गोकर्ण गल्फ क्लबका प्रबन्धक दीपक आचार्यले प्रतियोगिता १८ होलमा स्टेबल फोर्ड फर्म्याटमा खेलाइने जानकारी दिए।
यस्तै होल इन वन गर्ने खेलाडीले हुन्डाईको भेन्यु गाडी पाउनेछन्। यस्तै प्रतियोगितामा सहभागी हुनेमध्येका बेष्ट ग्रस, लंगेष्ट डाइभ, क्लोजेस्ट टु द पिन तथा मोस्ट बर्डिजले समेत पुरस्कार पाउनेछन्।
कार्यक्रममा बोल्दै बाह्रखरी मिडियाका प्रधानसम्पादक प्रतीक प्रधानले छैटौं वर्षको प्रतियोगिता आयोजना गर्न लागिएको र सामाजिक दायित्व पूरा गर्न प्रतियोगिता आयोजना गरिएको बताए।