कासिन न्यूज,
काठमाडौं ।
केन्द्रमा देखीएको सरकार परिवर्तनको खेलोले अहिले मधेश प्रदेशलाई अछुत राख्न सकेन । अहिले मधेश प्रदेश सरकारबाट नेकपा एमाले बाहिरीएको छ ।
पार्टीको बैठक बसेर सरकारबाट बाहिरिने निर्णय गर्ने तयारी भइरहेको गृह तथा सञ्चारमन्त्री शत्रुघनप्रसाद सिंहले जानकारी दिए ।
मधेश प्रदेश सरकारमा एमालेका चार जना मन्त्री छन्। गृह तथा सञ्चारमन्त्री सिंहसहित भौतिक पूर्वाधार मन्त्री सरोजकुमार यादव, कानुन–न्याय तथा प्रदेश मामिला मन्त्री राजकुमार लेखी र महिला–बालबालिका, युवा तथा खेलकुद मन्त्री मो.जैद आलमले आजै राजीनामा दिने तयारी गरेका हुन्।
मुख्यमन्त्री सरोजकुमार यादवलाई राजीनामा बुझाएर पत्रकार सम्मेलन गर्ने मन्त्रीको तयारी छ ।

केन्द्रमा सत्ता समीकरण फेरिएपछि मधेश प्रदेशको सबैभन्दा ठूलो दल एमाले प्रतिपक्षमा बस्ने निर्णय पुगेको हो । मधेशमा एमालेका २३ सांसद छन्। यसअघि जसपाका यादवलाई मुख्यमन्त्रीमा समर्थन गरेर एमालेले सरकार बनाएको थियो ।