कसरी बुझौ म तिमीलाई चित्रबाट
बुझौ कसरी बाहिर जस्तै भित्रबाट
आँखाको दृष्टिदोस रहेन मेरो भने
हेर्नेछु म तिमीलाई असल मित्रबाट ।।

मात्तिनु सम्म ठिकै हो पात्तिनु गलत हुन्छ
डराउनु सम्म ठिकै हो आत्तिनु गलत हुन्छ
धेरै थोरै घमण्ड सबैका दिमागमा छन्
कड्किनु सम्म ठिकै हो तात्तिनु गलत हुन्छ ।।

आफ्नालाई थाहा हुन्छ कमजोरीका कडीहरु
समस्याको चुरो अनी बुझ्छन् निरासाका घडीहरु
अङ्गालो त मार्छन् तर कुन खालको स्पर्श हुन्छ
कुरा फरक व्यवहार फरक हुन्छन् घटी बढिहरु ।। 

सुगन्घले भरिएको आहा होस न जीवन
बाचौं बाचौं लाग्ने चाहा होस न जीवन
ओइलिएर झर्नु त एकदिन छँदैछनी
फुल जस्तो फक्रिएको थाहा होस न जीवन ।।