म त तिम्रो गाजलको कोश देखेर लठ्ठ परें
फर्याङ फुरुङ्ग चुलबुले जोस देखेर लठ्ठ परें
नशाले होकी जवानीको मात लाग्यो तिमीलाई
लोलाएका नयन सँगै मदहोस देखेर लठ्ठ परें ।।

यो यात्रा हो जिन्दगी कठिन मोड पनि आउन सक्छ
यो हिसाब हो जिन्दगी घटाउ जोड पनि आउन सक्छ
सहजै सहज हुन्थ्यो भने लेखिदैनथे दुःखका कहानी
मुना मदनका कहानी जस्तै बिछोड पनि आउन सक्छ ।।

नहेर शंकाको दृष्टिले मन त्यसै जल्न सक्छ
अनायासै हृदयमा हुरी बतास चल्न सक्छ
मायाँ रुपी प्रेमको बिरुवा हुर्काउँदै अनी बढाउँदै जाउँ
स्याहार गरौं दुबै मिली मिठो फल फल्न सक्छ ।।

शनीवारको छुट्टि थियो उनले भेटौं भनिन् मलाई
धेरै दिन भयो नभेटेको न्यास्रो मेटौं भनिन् मलाई
बस्दा बस्दै बातचित भए पुरै सोचमा डुबिन उनी
गोधूलि डुब्ने तरखर थियो डाँडो काटौं भनिन् मलाई ।।